असार – ३० । श्रीमतीको हत्या गर्ने विजय कार्कीलाई प्रहरीले पक्राउ गरेको छ । सूर्यबिनायक नगरपालिको सल्लाघारीमा श्रीमतीको हम्बर प्रहारबाट हत्या गर्ने कार्कीलाई प्रहरीले पक्राउ गरेको हो । सल्लाघारी स्थायी बासिन्दा रहेका २७ बर्षिय कार्कीले हम्बरले प्रहार गरी  २४ बर्षीया श्रीमती दीपा कार्कीको ज्यान लिएको महानगरिय प्रहरी वृत्त जगातिका प्रहरी नायब उपरिक्षक मित्र बन्धु शर्माले जानकारी दिए । उनीहरुको घरपारिवारमा केहि समयदेखि घरझगडा हुँर्दै आएपछि दीपाले प्रहरीमा उजुरी दिएकी थिइन् । हत्यापछि फरार विजयलाई प्रहरीले पिछा गरी एयरपोर्टबाट पक्राउ गरेको हो । हिजो दिउँसो घरमा परिवारका अरु कोही नभएको बेला विजयले श्रीमतीको हत्या गरेको प्रहरीको अनुसन्धानबाट खुलेको छ । प्रहरीले घटनाबारे विजयसँग सोधपुछ गरेर थप अनुसन्धान गरिरहेको छ । मृतकका आफन्तले हत्या गर्ने कार्की विरुद्ध बिहीबार किटानी जाहेरी प्रहरीमा दर्ता गराएका छन् । कार्की दम्पत्तिका तीन र पाँच वर्षका दुई छोरा छन् ।

pakrawo