हेटाैँडा–काठमाडौँ यातायात अवरुद्ध
साउन - १ । गएराति परेको वर्षात्ले हेटौँडा कुलेखानी सडकखण्डको सिस्नेरी गाविस–४ थिङडाँडामा पहिरो जाँदा आज बिहानदेखि हेटाैँडा–काठमाडौँ यातायात सेवा अवरुद्ध भएको छ ।
यो राजमार्ग अवरुद्ध भएपछि आज बिहानबाट त्रिभुवन राजपथबाट सुमो जिप, कार, बस, ट्रकहरुका यातायात सुचारु गरिएको जिल्ला प्रहरी कार्यालयले जनाएको छ ।
मौसम अनुकूल भएमा अवरुद्ध रहेको हेटाैँडा कुलेखानी सडकखण्डको सिस्नेरीको पहिरो हटाइ आज मध्याह्नबाट यातायात चालु हुन सक्ने मकवानपुरको प्रजिअ डा मानबहादुुर विश्वकर्माले जानकारी दिए । रासस
