संजिता प्रधान नेपाली चेली अहिले उनको चर्चा सर्वत्र रहेको छ । उनको पुख्यौंली घर कोशी अञ्चल, जिल्ला संखुवासभा चैनपुर घर हो । उनले सुनसरी जिल्लाको धरानको बिजयपुर उच्च माध्यमिक बिद्यालयमा अध्ययन गरेकी हुन् । वाशिंगटन डिसी, एसिया प्यासिफिक आइसल्याण्डरको तर्फबाट राष्ट्रपति बराक ओवामाको सल्लाहकार समितिको सदस्यमा नियुक्ति भएकी नेपाली मुलकी नेपालकी छोरी सञ्जिता प्रधानको चर्चा अहिले सवत्र सुनिरहेको छ । कडा मेहनत, परिश्रमको साथै काममा दत्तचित्त भै काम गर्ने भएकोले राष्ट्रपति बराक ओवामाको सल्लाहकार समितिको सदस्यमा नियुक्त हुन पाएकोमा आफूलाई हर्ष लागेको उनले बताइन ।

अमेरिका यस्तो देश हो जहाँ मेहनत गरे जो पनि जहाँ पनि पुग्न सकिने रहेछ भन्दै आफू यो पदमा पुगेकोमा सबै नेपालीलाई गर्व हुनु स्वाभाविक हो उनले भनिन् । राष्ट्रपति ओवामाले सल्लाहकार समितिमा १९ जनालाई नियुक्त गरेका थिए । त्यो १९ जनामा आफू पनि परेको हु उनले भनिन् । नियुक्त भएका सबै जना कोही स्वास्थ्य तथा ब्यापार क्षेत्रका बिज्ञ छन् भने कोही लामो समयदेखि समाज सेवामा समर्पित रहेका समाज सेवी पनि छन् । आफू धेरै बर्षसम्म भुटानी पुर्नस्थापनमा काम गरेको र यस्को बिज्ञको त्यो समितिमा आफू सबै भन्दा कनिष्ठ भएकोले आफूलाई यसमा उहाँहरुले नियुक्त गर्नु भएको हो उनले भनिन् ।

आफ्नो परिवारको समर्थन र सहयोग नभएको भए यहाँसम्म पुग्ने थिइन् भन्दै परिवारप्रति आभार प्रकट संचार माध्यमबाट दिन चाहन्छु भनिन् । जुन पदमा मलाई नियुक्त गरिएको छ,त्यो आयोगको बैठक सुरु भै सकेको उनले बताईन् । आफु सहभागी हुदा नौलो नलागेको बताउदै आफुले राज्यस्तरमा यसरि नै काम गर्ने गरेको बताईन ।

एसिया प्यासिफिक आइसल्याण्डरको लागि मेरो नियुक्ति भएको हो । मेरो काम अमेरिकामा भएका सबै एसियन समुदायसंग काम गर्ने हो, उनले भनिन् । आफुले नियम अनुगमन गर्नेमा ध्यान पुर्याउनु पर्ने हुन्छ भन्दै नयाँ नियुक्तिको काममा सहज र सरल रुपमा जिम्मेबार निभाई रहेको बताईन्। यसको साथै अमेरिका भरि रहेका नेपाली समुदायका मुद्धा, टेमपोररी प्रोटेकटेड स्टाटस (अस्थायी सुरक्षित हैसियत )स्वास्थ्य, बिदेशी सम्पति परिवहन आदि ईत्यादी बिषय तथा समस्यामा म नेपाली समुदायसंग काम गर्न चाहेको बताइन् ।

sanjita pradhan