जहाँ नागरीकता कै लागि १० हजार खर्चिन्छ
काभ्रेपलाञ्चोक जिल्लाको दुर्गम गाविस मानिने महाभारत शृङ्खलाडाँडापारिका बासिन्दा नागरिकता बनाउनकै लागि रु १० हजारसम्म खर्च गरेर धुलिखेलसम्म आउन बाध्य भएका छन् ।
डाडापारिको गाँउलाई लक्षित गरी घर्तीछाप गाविसमा ईलाका प्रशासन कार्यालय स्थापना गरेको छ तर अधिकृतलाई खटाए पनि गाँउ जान नमान्दा स्थानियले सास्ति खेप्नुपरेको छ ।
नागरिकता बनाउन जादाँ सदरमुकाम धुलिखेलसम्म पुग्दा रु १० हजारसम्म खर्च लाग्ने गरेका स्थानियको दुखेसो छ । गाउँबाट दुई दिनसम्म हिँडेर नागरिकता बनाउनुपर्ने बाध्यता रहेको छ । घर्तीछाप गाविसका एक स्थानियले सदरमुकामसम्म जाने रकम कै अभावमा डाँडापारिका धेरै स्थानीयवासीले नागरिकता नै नबनाएको जनाएका छन् ।
आर्थिक अवस्था कमजोर र सडकको पूर्वाधार समेत नपुगेका घर्तीछाप, बनखुचौर, फोक्सिङटार, गोकुले, बुढाखानी, साल्मेचाकल, साल्धारा, फलामेटार, डाँडागाउँ र मिल्चे गाविसका स्थानीय सरकारी सेवा सुविधा लिन कै लागि ठूलो आर्थिक नोक्सानी व्यहोरेर धुलिखेल आउने गर्दछन् ।
dhulikhel
kavrepalanchok
officer kavre