साउन ३ । अमेरिकाको लुइजियानामा एक व्यक्तिले गोली हानी तीन प्रहरी अधिकारीको हत्या गरेका छन् । लुइजियाना राज्यको राजधानी बाटन रुजमा आक्रमणकारीले अन्धाधुन्ध गोली चलाउँदा अन्य तीन जना प्रहरी अधिकारी घाइते भएका छन् । घाइते मध्ये एक जनाको अवस्था गम्भीर रहेको छ ।

लुइजियाना प्रहरी प्रमुख कर्नेल माइक एडमनसनले घटनामा एक जना आक्रमणकारी मात्रै संलग्न भएको बताएका छन् । अमेरिकी राष्ट्रपति बाराक ओबामाले घटनाको निन्दा गरेका छन् । केही समयअघि लुइजियानामा एक अश्वेत व्यक्तिको प्रहरीको गोली लागेर ज्यान गएपछि अमेरिका भर विरोध प्रदर्शन भएको थियो । त्यसपछि मिनेसोटामा एक प्रहरीमाथि गोली प्रहार भएको थियो । घटनाको बिरोधमा डलासमा एक अश्वेत व्यक्तिले पांच प्रहरी अधिकारीको हत्या गरेका थिए ।

America attack america embasst