प्रहरी प्रधान कार्यालयले प्रहरी नियमावली विपरीत कामकारबाही गरेको आरोपमा एकजना वरिष्ठ उपरीक्षकसहित एक हजार चार सय १९ जनालाई विभागीय कारबाही गरेको छ । जसमध्ये आठ जना प्रहरी उपरीक्षक, नौ जना नायव उपरीक्षक र १८ जना प्रहरी निरीक्षक विभागीय कारबाहीमा परेका हुन् । एकजना प्रहरी उपरीक्षकको पदोन्नति रोक्का र चार जनालाई नंसिहत दिएको होे ।

यस आर्थिक वर्षमा दुईजना प्रहरी निरीक्षकसहित ३० जनालाई सेवाबाट बर्खास्त गरेको छ । यस्तै, तीन जना नायव निरीक्षकसहित दुई सय १४ जनालाई सेवाबाट हटाएको प्रहरी प्रधान कार्यालयले जनाएको हो । दुई जना निरीक्षकसहित एक सय तीनजना निलम्बनमा परेका छन् । प्रधान कार्यालयका अनुसार अघिल्लो वर्ष विभागीय कारबाहीमा पर्नेको संख्या एक हजार सात सय तीन थियो । नागरिक दैनिक

Nepal Police