साउन - १० । याहु चार अर्ब ८३ करोड अमेरिक डलरमा बिक्री भएको छ । याहुलाई अमेरिकन कम्पनी भरिजनले खरिद गरेको हो । कुनै समय इन्टरनेट सेवामा अधिपत्य जमाएको याहु अमेरिकी कम्पनी हो । च्याट गर्न र इमेल चलाउन धेरैले याहुबाट सिकेका थिए । अमेरिकन कम्पनी भरिजनले याहुलाई लामो समयको प्रक्रियापछि खरिद गरेको हो । याहुले बिक्रीका लागि लिलाम बढाबढमा लगेको थियो । सबैभन्दा बढी मूल्य प्रस्ताव गरेपछि भरिजनले याहुको स्वामित्व लिने भएको हो । यसलाई सन् १९९४ स्टान्डफोर्ड विश्वविद्यालयका दुई जना विद्यार्थी जेरि योङ र डेबिड फेलोले सुरुवात गरेका थिए। इन्टरनेट व्यवसायमा लामो समय अधिपत्य जमाएको याहु पछिल्लो समय गुगल,फेसबुक, ट्विटरलगायत नयाँ कम्पनीको आगमन भएपछि ओरालो लाग्दै गएको थियो ।

yahoo