अमेरिकामा पहिलो पटक राष्ट्रपतिको उम्मेदावर महिला भएकी छिन् । अमेरिकामा नोभेम्बर ८ मा हुने राष्ट्रपतिय निर्वाचनका लागि डेमोक्र्याटिकका तर्फबाट औपचारिक रुपमा पूर्व प्रथम महिला हिलारी क्लिन्टन राष्ट्रपति पदको उम्मेदवारका रुपमा चुनिएकी हुंन् । अमेरिकाको इतिहासमा नै राष्ट्रपति पदका लागि उम्मेदवार बन्ने पहिलो महिलाको इतिहास रचेकी हिलारी पूर्व राष्ट्रपति विल क्लिन्टनकी श्रीमती हुन् । उनी राष्ट्रपति निर्वाचित भए अरु थुप्रै इतिहास रचिनेछ ।

पहिलो महिला राष्ट्रपति, राष्ट्रपति दम्पत्तिदेखि थुप्रै रेकर्ड हिलारीको पोल्टामा पर्नेछ । अमेरिकाको फिलिडेल्फियामा जारी डेमोक्र्याटिक पार्टीको महाधिवेसनको दोस्रो दिन उनलाई औपचारिकरुपमा उम्मेदवार घोषणा गरिएको थियो । महाधिवेशन भव्यरुपमा जारी छ । भोलिसम्म चल्ने महाधिवेशनले चुनावी रणनीति तय गर्ने छ ।

हिलारीलाई उम्मेदवार घोषणा गर्ने क्षण भावपूर्ण बनेको थियो । सेतो पहिरनमा देखिएकी हिलारीको मुहारमा खुशी छाएको थियो । उनलाई पति विलले साथ दिएका थिए । महाधिवेशनको पहिलो दिन ओबामा पत्नी मिसेलले हिलारीको पक्षमा गरेको भाषण विश्वचर्चित बनेको छ । उनले अमेरिकामा आप्रवासीहरुले चमत्कार गरेको भन्दै जन्ममात्र ठूलो नभएको बताएकी थिइन् ।

थुप्रै आविश्कार आप्रवाशीले गरेको र उनीहरुको उपश्थितिले अमेरिकाको सौन्दर्य बढेको भन्दै उनले प्रशंसा गरिरहदा हल तालीले गुन्जायमान भएको थियो । आप्रवासीप्रति अनुदार रिपब्लिकन पार्टीका उम्मेदवार डोनाल्ड ट्रम्पको नामै नलिइ मिसेलले कडा प्रहार गरेको भनि भाषणको चर्चा भइरहेको छ ।

Hilary Clenton