साउन १६ । मकवानपुरको मनहरि गाविस वडा नम्बर ३ स्थित रमनटारमा आइतबार बिहान भएको बस दुर्घटनामा नौ जनाको मृत्यु भएको छ । जिल्ला प्रहरी कार्यालय मकवानपुरले दिएको जानकारीअनुसार दुर्घटनामा उदयपुरका २५ वर्षीय विनोद चौधरी, २७ वर्षीया सन्तोष चौधरीको मृत्यु भएको छ । अन्य मृतकको सनाखत हुन सकेको छैन ।

मृतक ९ मध्ये छ जनाको घटनास्थल र २ जनाको अस्पताल लैजाने क्रममा निधन भएको प्रहरीले जनाएको छ । काठमाडौंबाट गाइघाटतर्फ गइरहेको ना ५ ख ५०५५ नम्बरको बस र काकडभिट्टाबाट काठमाडौं आइरहेको ना ५ ख ४०६४ नम्बरको बस आपसमा ठोक्किदा दुर्घटना भएको हो । बिहान साढे तीन बजे भएको दुर्घटनाका ३१ जना घाइतेको हेटौंडा चुरेहिल अस्पतालमा उपचार भइरहेको छ । घाइते मध्य चारको अवस्था गम्भीर छ ।

Makawanpor Accidhet