साउन १६ । नेपाली भूभाग डुबाउने गरी सप्तरीको तिलाठीमा भारतीयहरुले बांध बाँध्न खोज्दा भएको झडपमा घाइतेहरुको सम्बन्धमा संघीय समाजवादी फोरम नेपालका अध्यक्ष उपेन्द्र यादवले कुनै प्रतिक्रिया नदिने बताएका छन् । सप्तरी घटनाले मुलुक तातिरहेको बेला तपाईले प्रतिक्रिया के छ भन्ने नेपाल आजको प्रश्नको जवाफमा यादवले भने, ‘मलाई यसबारे केही बोल्नु छैन ।’

तिलाठीमा नेपाली भूभाग डुबाउने गरी भारतीय प्रशासनको आडमा भारतीयहरुले गत बिहीबार बांध बाध्न लागेका थिए । सो बांधका विषयमा विवाद हुंदा दोहोरो झडपमा धेरै नेपालीहरु घाइते भए । यस घटनाका सम्बन्धमा सबैजसो मधेस केन्द्रीत राजनीति गर्ने दलहरुले मुख खोलेका छैनन् । सदभावना पार्टीका अध्यक्ष राजेन्द्र महतोले एक टेलिभिजन अन्तर्वार्ताका क्रममा सप्तरी घटनालाई राष्ट्रियतासंग जोडेर हेर्न नमिल्ने बताएका छन् ।

Saptari Tilathi upendra yadav