अर्जेन्टिनाका महान् फुटबलर डिएगो म्याराडोनाले आफ्नो बोली परिवर्तन गरेका छन । उनले राष्ट्रिय टोलीबाट भर्खरै सन्यास लिएका कप्तान लियोनल मेसीलाई निर्णय फिर्ता लिन दबाब नदिन सबैसँग अग्रह गरेका छन् । तर उस अघी उनले नै मेसीलाई टोलीमा फर्कन आग्रह गरेका थिए । उनले सन्यासको निर्णय जारी राख्ने वा त्यसमा पुनर्विचार गर्नेबारे सोच्न मेसीलाई केही समय स्वतन्त्रता छाडिदिन पनि आग्रह गरेका छन् । हामीले अहिले मेसीलाई बिदा मनाउन दिनुपर्छ, म्याराडोनाले भनेका छन ।

यतिबेला हामीले एउटै धारणा तय गनुपर्छ, यदि मेसी राष्ट्रिय टोलीबाट खेल्न चाहँदैनन् भने उनको विकल्प खोज्न सक्नुपर्छ । गत सोमबार कोपा अमेरिका फुटबल प्रतियोगिता सुरु भएको एक सयौं वर्ष पुगेको अवसरमा आयोजित विशेष संस्करणको फाइनलमा अर्जेन्टिनी टोली चिलीसंग टाइब्रेकरमा पराजित भएपछि मेसीले राष्ट्रिय टोलीबाट नखेल्ने निर्णय सार्वजनिक गरेका थिए ।

फाइनल खेलको टाइब्रेकरमा मेसी गोल गर्न चुकेका थिए । खेल सक्किएलगत्तै मेसीले सार्वजनिक गरेको सन्यासको निर्णयले सबैलाई आश्चर्यमा पारेको थियो । आफ्नै कप्तानीमा अर्जेन्टिनालाई तीन ठूला प्रतियोगिताको फाइनलमा पुर्याएर पनि उपाधि जित्न नसकेपछि मेसीको पक्ष र विपक्षमा विभिन्न टिप्पणी हुँदै आएको छ । विभिन्न टिप्पणीले मेसीलाई तनाब दिएको बिभिन्न अन्तराष्ट्रिय सञ्चार माध्यमहरुले जनाएका छन ।

Messi