काठमाडाैँ १८ अषाढ शनिबार काठमाडौंको रातोपूल वरपर बाक्लै घुईंचो लाग्यो । हल्लिखल्लिपनि चर्कै थियो । लाग्थ्यो चलचित्रको सुटिङ भइरहेको थियो । खाशमा दुई बालक धोबीखोलाको बीचमा फसेका थिए । खोलामा पानी बढ्दो थियो । फोहोर पानीमा जाने र बालकको उद्धार गर्ने हिम्मत कसैले गरेन । पत्रकार केशब भुलले फेसबुक स्टाटसमा भिडियोसहित लेखेका छन्,‘संयोगले त्यहां पुगेको थिए । प्रहरीलाई बोलाएर उद्धार गर्ने मौका मिल्यो ।’ प्रहरीको टोली तत्काल घटनास्थल पुग्यो र बालकको उद्धार गर्यो । उद्धार गरिएका बालबालिकाले त्यहां उपस्थित सबैलाई चकित पारिदिए । उद्धार गरिएलगत्तै उनीहरु सुईकुच्चा ठोके । को थिए, कसरी खोलामा फसेभन्ने कसैले पत्तै पाएन । यो घटना एउटा पाठ बनेको छ । आफ्ना छोराछोरीलाई पानी परेको बेलामा बाहिरफेर जान दिन हुंदैन । जोखिम मोल्ने स्वभावका उनीहरुले जेपनि गर्न सक्दछन् । बेलैमा प्रहरीलाई खबर नभएको भए ठूलै दुर्घटना हुने थियो । धन्न भएन । यस्ता घटना देखेमा सकेसम्म उद्धारमा जुटौं, नसकेपनि प्रहरीलाई फोन गरौं । प्रहरीको आकस्मिक सेवा १०० वा १०३ मा फोन गर्दा पैसा लाग्दैन । हेर्नुस भिडियाे प्रस्तुतिः हरि योन्जन

Ba