असार - १९ । अपहरणमा परेका एक युवकलाई प्रहरीले अपहरणमुक्त गर्नुका साथै दुई अपहरणकारीलाई पक्राउ गरेको छ । धनकुटाको छिन्ताङ–८ घर भई हाल सुनसरीको धरान–९मा डेरा लिई बसेका १९ वर्षीय युवक एमकुमार लम्जेललाई अपहरणमुक्त गरिएको जिल्ला प्रहरी कार्यालयले जनाएको छ । विराटनगर–१५ स्थित बसपार्क नजिकबाट लम्जेललाई यही असार १४ गते अपराह्न ८-१० जनाको समूहले अपहरण गरी मोरङको बुधनगर–६ स्थित आनन्द यादवको घरमा राखेका थिए । अपहरणकर्ताले पीडित पक्षसँग रु पाँच लाख फिरौती माग गरेको बताइएको छ । प्रहरीबाट ढिलोप्राप्त जानकारीअनुसार, सो गाविसको फोक्सा भएर बीआर३८सी७२६९ नम्बरको मोटरसाइकलको बीचमा राखेर सो गाविसको फोक्साभएर भारततर्फ १७ गते लगिरहेको अवस्थामा प्रहरीले उद्धार गरेको हो । उक्त मोटरसाइकलमा सवार दुई अपरहणकर्ता आनन्द यादव र सनपत यादवलाई मोटरसाइकलसहित पक्राउ गरिएको छ । उनीहरुमाथि अपरहण तथा शरीरबन्धक मुद्धा दर्ता गरिएको प्रंहरीले जनाएको छ । रासस