असार २० । पाकिस्तानको उत्तरपश्चिम प्रान्त पाख्तुनख्वाको चितराल जिल्लामा आएको बाढीमा परी मृत्यु हुनेको संख्या ४३ पुगेको छ । बाढीमा परी दर्जनौं मानिस घाइते भएका छन् भने कैयौें सङ्ख्यामा व्यक्ति वेपत्ता भएका अधिकारीले आइतबार बताएका छन् ।

त्यस्तै अफगानिस्तान र पाकिस्तानको सीमानजिकै आएको बाढीमा ३५ व्यक्ति गम्भीर घाइते भएका ३१ जना बेपत्ता भएका उर्दु टेलिभिजन च्यानलले जानकारी दिएको छ । अबिरल परिरेहेको वर्षाको कारण उद्धारकार्यमा भने कठिनाई आएको छ ।