असार २१ । पूर्वसभासद् अर्जुन राईमाथि भएको कुटपिटको घटनाप्रति खोटाङका नौ राजनीतिक दलले भत्र्सना गरेका छन् । जिल्लाको बुइपा जाने क्रममा हुर्लुङमा बास बस्नुभएका राईमाथि शनिबार राति नुनथला– ८ का २२ वर्षीय तेन्जिङ शेर्पा र उदयपुर कटारी –८ का २४ वर्षीय रमेश अछामी लगायत १२–१५ जनाको समूहले निर्घात कुटपिट गरेको भन्दै दलले निन्दा गरेका हुन् । राईमाथि कुटपिट भएको घटनालाई लिएर सोमबार प्रजिअ चन्द्रबहादुर कार्कीलाई संयुक्त रुपमा ज्ञापनपत्र बुझाउँदै दलहरुले दोषीलाई कारबाही गर्न ध्यानाकर्षण गराएका छन् ।

कुटपिटबाट राईको नाक, बायाँ हातको पाखुरा लगायतमा गहिरो चोट लाग्नाका साथै शरीर र टाउको लगायत विभिन्न ठाउँमा नीलडाम लागेको छ । नुनथला प्रहरीचौकीलाई खबर गरेपछि प्रहरीले पूर्व सभासद् राईलाई मरणासन्न अवस्थामा उद्धार गरेको थियो । कुटपिटका क्रममा ज्यान जोगाउन ‘मरेको अभिनय’ गरेपछि मात्र उनीहरुले छाडेको राईले बताएका छन् ।

घटनालगत्तै जिल्ला अस्पताल दिक्तेलमा ल्याएर उपचार गराइएका राईलाई थप उपचारका लागि सोमबार हेलिकप्टर मार्फत काठमाडौँं पठाइएको छ । कुटपिटमा संलग्न शेर्पा र अछामीलाई खबर पाएलगत्तै पक्राउ गरेर कारबाही थालिएको जिल्ला प्रहरी कार्यालय खोटाङका प्रहरी नायब उपरीक्षक विद्यानन्द माझीले बाए ।

Arjun Raj