साउन - १८ । भारतमा भारी वर्षापछि आएको बाढीमा परी ज्यान गुमाउने व्यक्तिको सङ्ख्या ९० भन्दा बढी भएको जनाइएको छ । त्यसैगरी सो बाढी कारण करिब १० लाख व्यक्तिलाई सरकारद्वारा सञ्चालित शरणार्थी शिविरमा लगिएको अधिकारीहरुले मङ्गलबार जानकारी दिएका छन् । भारी वर्षा र बाढीको कारण विहार, आसाम र हिमाञ्चल प्रदेशलाई अत्यन्त प्रभावित पारेको बताइएको छ । तीन राज्यमा भारी वर्षापछि आएको बाढीमा परी ९६ जनाको मृत्यु भएको सो राज्यका सम्बन्धित अधिकारीहरुले जानकारी दिएका छन् ।विहारमा करिब दुई लाख ६० हजार बाढी पीडितलाई राज्य सरकारद्वारा बन्दोबस्त गरिएका चार सयभन्दा बढी उद्धार शिविरहरुमा राखिएको बताइएको छ । त्यसै गरी सो बाढी पीडितलाई राखिएको उक्त इलाकामा चार सयभन्दा बढी स्वास्थ्य शिविरको पनि बन्दोबस्त गरिएको पनि समाचार जानकारी दिइएको छ । आसाममा करिब ३८ लाख व्यक्ति हालै आएको यस बाढीबाट प्रभावित भएको राज्य अधिकारीले जनाएका छन् । बाढी प्रभावित ती व्यक्तिहरुमा सात लाखभन्दा बढीलाई सात सय ७० वटा उद्धार शिविरमा लगिएको राज्य अधिकारीले जानकारी दिएका छन् । एपी

badhi India India Flood