साउन २० । बालकृष्ण उग्रतारा स्मृति पत्रकारिता पुरस्कारबाट पत्रकार रुद्रबहादुर थापा बिहिबार सम्मानित भएका छन् । पोखरा एक्सप्रेस पाक्षिक पत्रिकाद्वारा आयोजित एक कार्यक्रममा स्वतन्त्रता सेनानी एवम् अग्रज पत्रकार केशवराज पराजुलीले पत्रकार थापालाई दोसल्ला ओढाई पुरस्कार प्रदान गरेका थिए । सो अवसरमा उनले राजनीतिमा हुने विकृति र विसङ्गतिको अन्त्य गर्न पत्रकारहरुले सधैँ खबरदारी गर्नुपर्नेमा जोड दिए ।

पोखरा एक्प्रेस पाक्षिकका प्रधान सम्पादक जमुना वर्षा शर्माको अध्यक्षतामा भएको सो कार्यक्रममा नेपाल प्रेस युनियनका केन्द्रीय उपाध्यक्ष रमेश पौडेलले पत्रकारले लामो समयसम्म सेवा गरेबापत पाउने एउटै मात्र सम्मान हो भनेका थिए ।

स्व बालकृष्ण उग्रताराको परिवारद्वारा स्थापित सो पुरस्कारको राशि रु २० हजार १०१ र सम्मानपत्र रहेको छ । रासस