साउन २१ । नयाँ मन्त्रीको शपथ ग्रहण सम्पन्न भएलगत्तै बीच बाटोमै गाडी खोसिएपछि निवर्तमान युवा तथा खेलकुदमन्त्री सत्यनारायण मण्डल हिँडेरै डेरा पुगेका छन् । बिहिबार शीतल विमानस्थित राष्ट्रपति कार्यालयमा प्रधानमन्त्री तथा मन्त्रीहरुको शपथ ग्रहण र्काक्रममा सहभागी भएर फर्कने क्रममा बाटामै गाडी खासिएपछि मण्डल हिँडेर डेरा पुगेका हुन् ।

बुधबार माओवादी केन्द्रका अध्यक्ष पुष्पकमाल दाहाल प्रधानमन्त्री निर्वाचित भएपछि मन्त्रीक्वार्टर छाडेका मण्डल बानेश्वरमा डेरा सरेका छन् र शपथ ग्रहण कार्यक्रममा सहभागी भएर फर्कने क्रममामण्डलले आफूले प्रयोग गर्दै आइरहेको झन्डावाला गाडी नयाँ मन्त्रीका लागि फर्काइदिएका थिए । त्यसपछि उनले डेरासम्म पुग्न आफ्नो सचिवालयले प्रयोग गरेको सेतो रङको गाडी झिकाएका थिए ।

तर, मन्त्रालयका कर्मचारीले त्यो गाडी लान नदिएपछि उनी मध्यबानेश्वरबाट झन्डै डेढ किलोमिटरभित्र रहेको डेरामा हिँडेरै पुगेका थिए । जिम्मेवारीबाट मुत भएको २४ घन्टा पनि नबितदै मन्त्रालयका कर्मचारीले निवर्तमान मन्त्री मण्डल दुःखी बनेका थिए ।

अन्नपूर्ण पोस्ट

Satya nararan Mandal