साउन २२ । फ्रान्सको उत्तरी सहरमा रहेको एक बारमा शनिबार बिहान सबेरै भएको आगलागीमा परी कम्तीमा १३ व्यक्तिको मृत्यु भएको छ । यस आगलागीमा परी अन्य छ जना घाइते भएका छन् । घाइतेमध्ये एकको अवस्था भने चिन्ताजनक रहेको बताइएको छ । उत्तरी सहर रोनमा अवस्थित एक बारमा जन्मदिनको पार्टी मनाइरहेको अवस्थामा सो आगलागी भएको अधिकारीहरुले जानकारी दिएका छन् ।  प्रारम्भिक समाचारअनुसार जन्न्मदिनको केकमा राखिएको मैनवत्तीको ज्वालाबाट सो आगलागी सुुरु भएको थियो । तर आगलागीको प्रमुख कारणको लागि विस्तृत अनुसन्धान सुरु भएको आन्तरिक मामिला मन्त्री बेर्नार्ड काज्नोभले जानकारी दिए ।  सहरको मध्यभागमा अवस्थित क्युबा लिब्र बारमा मध्य रातिबाट सो आगलागी भएको जनाइएको छ । जन्मदिन मनाइरहेको बारको तल्लो तल्लाबाट सो आगलागी सुरु भएको बताइएको छ । सो आगलागी नियन्त्रणको लागि ५० भन्दाबढी अग्नी नियन्त्रकहरुको खटाइएको जानकारी दिइएको छ । रासस÷एएफपी

ago lago