सडकमा सामूहिक स्तनपान
फिलिपिन्समा सयौँ महिलाले सडकमा सामूहिक रुपले स्तनपान गराएका छन् । सुत्केरी महिलाहरुको एउटा हूलले यसरी सामूहिक रुपमा सडकमै स्तनपान गराएको हाे।
शिशुको स्वास्थ्यका लागि आमाको दूध कति महत्वपूर्ण छ भन्ने बोध फिलिपिनी महिलामा घट्दै गएको बताइन्छ । स्तनपानको महत्वप्रति मानिसलाई आकर्षित गर्ने उद्देश्यले सार्वजनिक स्थानमा सामूहिक स्तनपान गराउने यो कार्यक्रम आयोजना गरिएको हो ।
स्तनपान गराउँदा सुत्केरी महिलालाई गौरव महसुस हुने र शिशुले समेत यसबाट लाभ लिने सन्देश भएका प्लेकार्डसमेत कार्यक्रममा सहभागीले बोकेका थिए । चार वर्षअघि पनि फिलिपिन्समा यसरी सामूहिक रुपमा स्तनपान गराउने कार्यक्रम थियो ।
