साउन – २७ । न्यूयोर्क प्रहरीले ट्रम्प टावर चढ्न खोज्ने एक व्यक्तिलाई पक्राउ गरेको छ ।उक्त टावरमा डोनाल्ड ट्रम्प पनि बस्दै अाएका छन् । ५८ तले ट्रम्प टावर चढ्ने प्रयास गरिरहेका बेला कामदारले देखेका थिए । ती व्यक्तिलाई देखेर कामदारले झ्यालकाे सिसा निकालिदिएका थिए । २१ तल्लाकाे झ्यालबाट प्रहरी र कामदारले उनलाई समातेर भित्र तानेका थिए । ती व्यक्ति डोरी र सक्सन् कपको मद्दतले उक्त टावरमा चढ्ने प्रयास गरेका बताइएको छ । टावर चढ्ने व्यक्ति भर्जिनियाको २० वर्षे भएको र उनले ट्रम्पलाई भेट्न चाहेको प्रहरीले बताएको छ । उनले कसैलाई असर पु¥याउने मनसाय भने नबोकेको प्रहरीले जनाएको छ । उनले यु ट्युबमा भिडियो अपलोड गर्दै आफूलाई स्वतन्त्र अनुसन्धानकर्ता भएको बताएका थिए । त्यस्तै उनले ट्रम्पलाई महत्वपूर्ण सूचना दिनु पर्ने जानकारी दिएका थिए । उक्त व्यक्तिलाई मनोवैज्ञानिक मूल्याङ्कन गर्ने भनेर बेलिभ्यूू अस्पताल लगेको प्रहरीले जनाएको छ । ‘यो व्यक्तिले अनौठो र खतरनाक काम गरेको छ ।’ ट्रम्प संस्थाका कार्यकारीणी उपराष्ट्रपति मीकेल कोहेन ले बताए ।

tramp Tower