साउन २७ । खोटाङ काहुले ७ मा घरायसी विवाद हुँदा भतिजले हानेको आग्लोले लागेर मानबहादुर राईको ज्यान गएको छ । १८ वर्षका भतिज दिपक राईले हानेको आग्लोले लागेर ६२ वर्षका मानबहादुरको ज्यान गएको हो । घरायसी विवादमा भनाभन हुँदा दिपकले मानबहादुरलाई आग्लोले टाउकोमा हानेको प्रत्यक्षदर्शीको भनाई छ । बिहीबार दिउँसो एक बजेतिर घटना भएको र एक घण्टापछि मानबहादुरको ज्यान गएको स्थानीय बासिन्दाले बताएका छन् । मानबहादुरको ज्यान गएपछि दिपकलाई नियन्त्रणमा लिएर कारबाही थालिएको जिल्ला प्रहरी कार्यालय खोटाङका प्रहरीले जनाएका छन् । शव परीक्षणका लागि प्राथमिक स्वास्थ्य केन्द्र चिसापानी लगिएको छ ।

khotang ma mirtue