साउन २८ । थाइल्याण्डको दक्षिणी भागमा भएको श्रृंखलाबद्ध विस्फोटमा कम्तिमा ४ जनाको मृत्यु भएको छ भने दर्जनौं घाइते भएका छन् । बिहिबार राती राजधानी बैंकक नजिकै रहेको चर्चित पर्यटकीय नगर हुवा हिनमा दुई वटा विस्फोट भएको थियो ।

जसमा एक स्थानीय व्यापारीको मृत्यु भएको थियो  त्यसलगत्तै फुकेटको पाटोङमा रहको रिसोर्टमा अर्को विस्फोट भएको थियो । शुक्रबार भएको विस्फोटमा कम्तिमा तीन जनाको मृत्यु भएको र दर्जनौं घाइते भएको बिबिसीले जनाएको छ । थाइल्याण्डकी रानीको जन्मदिनको उत्सव मनाइरहँदा उक्त विस्फोट गराइएको हो । हालसम्म कुनै पनि समूहले विस्फोटको जिम्मा लिएको छैन ।