फ्रान्सको कान्स सहरमा समुद्री किनारमा महिलाहरुले अब ‘बुकिनिस’ लगाउन नपाउने भएका छन् । ‘बुर्कि्निस’ एक प्रकारको स्वीम सुट हो, जसले शरीर पूरै ढाक्ने गर्दछ । कान्सको महापौरकाअनुसार उनीहरुले ‘बुकिनिस’ माथि ‘कानुनी व्यवस्थालाई ध्यानमा राखेर’ प्रतिबन्ध लगाइएको हो । महापौर डेविड लिस्नार्डका अनुसार ‘बुकिनिस’ ‘इस्लामिक चरमपन्थको प्रतिक’ हो । जसले तनावको स्थिति उत्पन्न गराउन सक्दछ । किनभने फ्रान्स चरमपन्थी संगठन इस्लामिक स्टेटको निशानामा छ ।

फ्रान्सको नीस सहरमा गत महिना जुलाईमा चरमपन्थी आक्रमण भएको थियो । त्यसअघि पनि फ्रान्समा यसप्रकारको आक्रमण भइसकेको छ । उक्त सबै घटनालाई ध्यानमा राखेर फ्रान्समा ‘हाई अलर्ट’ मा छ । बुकिनिसमाथि प्रतिबन्ध नमान्ने र पक्राउ पर्नेमाथि ३३ पाउन्ड जरिवाना गर्न सकिनेछ । यद्यपि कुसैमाथि सिधै जरिवाना भने गरिने छैन । बुकिनिस लगाउने महिलालाई आफ्नो स्वीमसुट परिवर्तन गर्न वा समुद्री किनारमा नआउन भनिनेछ । फ्रान्समा महिलाको पहिरनमा प्रतिबन्ध लगाउने यस्तो पहिलोपटक भएको भने होइन । यसअघि सन् २०११ मा महिलालाई बुर्का लगाउन रोक लगाइएको थियो । त्यतिबेला यसप्रकारको प्रतिबन्ध लगाउने फ्रान्स युरोपको पहिलो मुलुक थियो

France