ओलम्पिक पदक समारोहामा चिनियाँ खेलाडीले गरे विवाहको घोषणा (सचित्र वर्णन)
चिनियाँ डाइभर हि जीले महिलाको ३ मिटर स्प्रिङबोर्ड स्पर्धामा रजत पदक आइतबार जितिन् । तर अन्त्यमा उनले आफ्ना प्रेमीबाट अर्को पुरस्कार पाइन, जो विश्वभरका टिभी दर्शकको अगाडि घुँडा टेकेर उनीसामु याचना गर्दै थिए, ‘विल यु म्यारी मी ?’
प्रेमी क्वीन काइले पनि गत साता पुरुषको ३ मिटर सिङक्रोनाइज स्प्रिङबोर्डमा काश्य जितेका थिए ।
प्रेमीको ऐतिहासिक प्रस्ताव जी ले स्वीकार नगर्ने कुरै थिएन, र भनिन, ‘एस’ ‘हामी ६ बर्षदेखि सम्बन्धमा छौं र मैले उनले आजै बिहेका लागि प्रस्ताव गर्लान भनेर सोचेको थिइनँ ।’ जी ले भनिन, ‘उनले धेरै कुराहरु गरे, मेरै कसम खाएका छन् । तर मेरो बिचारमा मलाई यो कुराले निक्कै प्रभावमा पारेको छ कि उसलाई म जीवनभर विश्वास गर्न सक्छु ।’
