साउन ३२ । चेल्सीले इंग्लिस प्रिमियर लिगको नयाँ सिजनमा विजयी सुरुवात गरेको छ । सोमबार राति भएको यो सिजनको आफ्नो पहिलो खेलमा चेल्सीले वेष्ट ह्यामलाई २–१ ले हराएर विजयी सुरुवात गरेको हो ।

चेल्सीको जितमा इडन हजार्ड र डिएगो कोस्टाले एक एक गोल गरे । वेष्ट ह्यामका लागि जेम्स कोलिन्सले एक गोल फर्काए । चेल्सीको प्रशिक्षकका रुपमा एन्टोनियो कोन्टेले विजयी सुरुवात गरेका हुन् । कोन्टेको टिम चेल्सी पहिलो हाफमा भने गोलरहित बराबरीमा रोकिएको थियो ।

दोस्रो हाफको सुरुवातमै अर्थात ४७ औं मिनेटमा हर्जाडले पेनाल्टी मार्फत गोल गर्दै चेल्सीलाई अग्रता दिलाए । तर ७७ औं मिनेटमा वेष्ट ह्यामका कोलिन्सले बराबरी गोल फर्काए । १–१ को बराबरीमा रहेको अवस्थामा ८९ औं मिनेटमा कोस्टाले २० यार्डबाट सुन्दर गोल गर्दै चेल्सीलाई जितका साथ सिजनको सुरुवात दिलाए ।

Premeir leauge