एकीकरणमा बादल पक्षबाट नेकपा माओवादी केन्द्रमा आएकी अखिल क्रान्तिकारीकी केन्द्रीय सदस्य सावित्री सुवेदीलाई पार्टी नेतृत्व र नीति विपरितको अभिव्यक्ति दिएको भन्दै सादरण सदस्य समेत नरहने गरी कारवाही गरिएको छ । क्रान्तिकारीका अध्यक्ष नरेन्द्र न्यौपानेले विज्ञप्ति जारी गरी सामाजिक संजालमा पार्टी नीति विपरित अभिव्यक्ति दिएकाले कारवाही गरिएको जनाएका छन् ।

नेपाल आजसँग कुरा गर्दै न्यौपानेले केन्द्र तहमा पुगिसकेको व्यक्तिले अमर्यादित शब्द बोल्दा नकारात्मक सन्देश जाने र संगठनको अनुसाशन र मर्यादा विपरित हुंने हुंदा कारवाही गरिएको बताएका छन् ।

के लेखिन् सावित्रीले

सावित्रीले माओवादी अध्यक्ष पुष्पकमल दाहाल प्रचण्ड प्रधानमन्त्री बन्ने सन्दर्भमा हत्यारा प्रधानमन्त्री बन्न लागेको टिप्पणी गरेकी थिइन् । सबैभन्दा कडा टिप्पणी उनले अध्यक्ष प्रचण्डका छोरा प्रकाशप्रति गरेकी थिइन् । उनको वैवाहिक जीबनलाई लिएर उनले प्रकाशलाई छाडा छाडेको साँडेको संज्ञा दिएकी थिइन् ।

यि सबै स्टाटसको हिसावकिताव माओवादीजनले नजिकबाट राखिरहेका थिए । तर, यसैको बाहनामा कारवाही गर्दा विषय झन गम्भीर बन्ने बुझाइ बनेको थियो । यस्तैमा राधिका तामाङ र धनमाया बिकलाई माओवादीले राज्यमन्त्री बनाएपछि सावित्रीले अर्को कडा स्टाटस लेखिन् । जसमा भनियो, ‘भोटिनी र कमिनीले राज्यमन्त्री पाए । अब त दलित र जनजातिले निकम्बा सरकार मुर्दाबाद भन्ने दिन गए । आरक्षण खारेज गर ।’

यो स्टाटस लेखेलगत्तै उनीमाथि कारवाही गरियो । सावित्रीको स्टाटस सामाजिक संजालमा व्यक्त गर्न अनुपयुक्त शैलीको भएकोमा दुई मत छैन । उनले व्यक्तिमाथि घृणा र जातिय विद्वेष फैलाउने गरी स्टाटस लेखेकी थिइन् । तर, यो भन्दा निम्न स्तरको स्टाटस प्रकाशको पक्षमा लेखेका अस्मित सिंहमाथि कारवाही हुन्छ ? माओवादीभित्र प्रश्न उठेको एक नेताले बताए ।

के लेखे अस्मित सिंहले

माओवादीको विदेश विभागको  जन प्रगतिशील मञ्च मलेशियाका नेता अस्मित सिंहले प्रकाश दाहालका बारेमा प्रश्न उठाउन नपाइने भन्दै आपत्तिजनक स्टाटस लेखेका छन् । उनले खुलेयाम भनेका छन्, १० ओटा विवाह र धेरै केटिसंग सारिरिक सम्बन्ध राख्ने मन छ । नेपाली समाजमा यो मान्य छ । प्रकाश दाहालको विरोध गर्ने चुतियाहरु कुकुर हुन ।’

मलेशियाको माओवादी शाखाको नेतृत्वमा रहेका अस्मित सिंहले ठाडै भनिदिए १० ओटी विवाह गर्न र धेरै केटी सँग विहे गर्न छुट छ । के यो माओवादी नीति हो ? यो प्रश्न नेपालआजले माओवादी केन्द्रकी प्रवक्ता पम्फा भुसाललाई गरेको थियो । उनले यसबारेमा अध्ययन गरेरमात्र जवाफ दिन सक्ने जनाइन् ।

१० ओटी विहे गर्न पाइने र धेरै वटीसँग सुत्न मन भएको चाहना सार्वजनिकरुपमै व्यक्त गर्ने अस्मित सिंहले कभर फोटो भने प्रधानमन्त्री प्रचण्डको राखेका छन् । पार्टी नेता नारायणकाजी श्रेष्ठ मलेसिया पुगेर सिंहसहितकाे कमिटि गठन गरेका थिए ।

Maosist Kendra Prachanda prakash dahal Sabitri Subedi