भदाै - १ । काभ्रेको बिर्तादेउरालीमा दुर्घटना भएको बसका चालक चिन्तामणि गौतमलाई प्रहरीले नियन्त्रणमा लिएकाे छ । उनलार्इ  थप अनुसन्धानका लागि काभ्रे लगेको छ । ललितपुरको बिएण्डबीमा उपचार गराइरहेका गौतमलाई प्रहरीले अनुसन्धानका लागि काभ्रे लगेको हो । काभ्रे प्रहरी प्रमुख राजेशनाथ बास्तोलाले चालकको अनुमतिपत्र नक्कली भए नभएको बारेमा अनुसन्धान भइरहेको जनाए । बास्तोलाले भने, 'अहिले हामी केही भन्न सक्दैनौं । अनुसन्धान भइरहेको छ । अनुसन्धानका लागि चालकलाई हिरासतमा राखिएको छ ।' प्रहरीले ४० जनाको ज्यान जाने गरी भएको सो घटनाका सबै पक्षका बारेमा जानकारी लिइरहेको छ । चालकसँग सोधपुछ गरिनुका साथै घटनाका साक्षीसँग जानकारीपनि लिइरहेको छ । काभ्रेका प्रमुख जिल्ला अधिकारी बालकृष्ण पन्थीले अनुसन्धान भइरहेकाले सो बारेमा बताउन नमिल्ने बताए ।

Bus accident Driver