भदाै - ३ । भारतीय संसदमा प्रमुख विपक्षी नेत्री सोनिया गान्धी अस्वस्थ भएपछि अस्पताल भर्ना भएकाे समाचार छ । उनी राजधानी नयाँ दिल्लीको अस्पताल भर्ना भएकी हुन् । उनी पुन अस्वस्थ भएपछि राजधानी नयाँ दिल्लीको गंगाराम अस्पतालमा बिहीबार साँझ भर्ना गरिएको समाचारमा जनाइएको छ । भारतको एक प्रमुख अस्पतालका रुपमा रहेको सो गंगाराम अस्पतालमा उनी उपचारका लागि केही दिन बस्नुपर्ने भएको ती चिकित्सकले जनाएका छन् । सो अस्पतालका एकजना चिकित्सकले आफ्नो नाम नबताउने शर्तमा भने– हामीले उहाँलाई अस्पताल भर्ना गरेका छौँ र उहाँलाई फिजियोथेरापी गराउनुपर्ने भएको छ । उनले गान्धीको स्वास्थ्यमा क्रमिक रुपमा सुधार भएको जानकारी पनि दिए । तर रोगका बारेमा भने विस्तृत रुपमा केही बताएका छैनन् । उनी गत आइतबार मात्र सोही अस्पतालबाट डिस्चार्ज भएकी थिइन । उनलाई हातमा घाउ भएकोले चोटको फिजियोथेरापी गराइएको थियो । उनी पुनः सोही अस्पतालमा बिहीबार साँझ भर्ना भएपछि उनको स्वास्थ्यप्रति चिन्ता बढेको पाइएको छ । सोही कारण अस्पताल परिसरमा ठूलो सङ्ख्याका नागरिकको भिड लागेको छ । उनको पाखुराको हाड चर्किएको पाइएको चिकित्सककाे भनाई छ । सोही कारणले ज्वरो आएको भन्दै गत हप्तामात्र उनलाई सोही अस्पतालमा भर्ना गरिएकोमा १० दिनको अस्पताल बसाई पछि आइतबार डिस्चार्ज गरिएकाे थियाे । उनले भने– फिजियोथेरापी सुरु गरिएको छ, ज्वरो आउने वा त्यस्तो कुनै गाह्रो भने भएको छैन । रासस÷सिन्ह्वा