भदौ – ३ । नवलपरासी स्थित प्रसौनी गाविस १ अरुणखोला र चोरमाराबीच पर्ने महेन्द्र लोकमार्गमा भएको सवारी दुर्घटनामा दुई जनाको मृत्यु भएको छ । प्रहरीको खबर अनुसार पूर्वबाट पश्चिम तर्फ जाँदै गरेको बा १२ च ३९६७ नम्बरको कार र विपरित दिशाबाट आउँदै गरेको ना १५ प ६५९३ नम्बरको मोटरसाइकल एकआपसमा ठक्कर खाई दुर्घटना भएको हो । प्रहरीका अनुसार मोटरसाइकल चालक र त्यसमा पछाडि सवार भएका दुवै जनाको हालसम्म नाम, थर र ठेगाना खुलेको छैन । कारचालक आफैँ इलाका प्रहरी कार्यालयको सम्पर्कमा गई कार, मोटरसाइकल तथा लास घट्नास्थलमै रहेको जानकारी दिएका थिए ।

road accident