राहदानी विभागले प्रि–इन्रोलमेन्ट (अनलाइनमार्फत राहदानी आवेदन) सेवा सुरु गरेसँगै दैनिक एक हजारदेखि एक हजार ५०० मानिसले अनलाइनमार्फत फाराम भर्ने गरेका छन् । राहदानी विभागका महानिर्देशक लोकबहादुर थापाले घरमै बसेर राहदानी भर्न सकिने भएकाले प्रि–इनरोेलमेन्ट सेवाप्रति ग्राहकको आकर्षण बढ्दै गएको जानकारी दिनुभयो । “कार्यालय गएर लाइन बस्दा भीडभाड र समय खेर जाने भएकाले प्रि–इनरोेलमेन्टतर्फ ग्राहकको आकर्षण बढेको हो ।”

महानिर्देशक थापाले वृद्धवृद्धा, अपाङ्ग, केटाकेटी र विशेष परिस्थितिमा बाहेक सम्पूर्णको अनलाइनमार्फत फाराम लिन थालेको बताए । ग्राहकले अनलाइनमार्फत राहदानी भर्न नजान्दा सुरुमा केही समस्या देखापरेको भए पनि अहिले अनलाइनमार्फत फाराम भर्नेको संख्यामा बढेको उल्लेख गरे । अनलाइमार्फत भरेको फाराममा केही त्रुटि भए तत्काल खबर गरिदिने हुँदा प्राविधिक त्रुटि र झन्झट हट्ने थापाको भनाइ छ ।

विभागले गत असार १९ गतेदेखि प्रि–इनरोेलमेन्ट सेवा प्रदान गर्दै आएको हो । हालसम्म प्रि–इनरोलमेन्ट सेवामार्फत दुई हजार ६८३ ले एकैदिनमा राहदानी लिएका छन् भने एक हजार ५८० जनाले दुईदिनमा राहदानी लिएको विभागले जनाएको छ । केही समय अगाडिदेखि नै विभागले एकदिन र दुईदिनका लागि प्रि–इ न्रोलमेन्ट सेवा लिँदै आए पनि अब भने जुनसुकै दिनमा राहदानी लिए पनि उक्त सेवा लिनुपर्नेछ

Passport Passport Nepal