भदाै - ११ । धनुषाको जनकपुर–ढल्केवर राजमार्गको नक्टाझिज–हजराचोक सडकखण्डमा शनिबार दिउँसो दुई मोटरसाइकल ठक्कर खाँदा दुईजनाको मृत्यु भएको छ । दुर्घटनामा परी एकजना गम्भिर घाइते भएका छन् । जिल्ला प्रहरी कार्यालय धनुषाले दिएको जानकारी अनुसार आज दिउँसो ३ बजे ज ७ प ५७१७ नम्बरको जनकपुरतर्फ आउँदै गरेको मोटरसाइकल र विपरीत दिशाबाट जाँदै गरेको ना ३६ प ९३१९ नम्बरको मोटरसाइकल हजराचोकमा ठक्कर खाँदा सर्लाही गौरीशङ्कर गाविस–१ का मुकेश चौधरीको मृत्यु भएको छ भने अर्का मृतकको हालसम्म सनाखत हुन नसकेको प्रहरीले जनाएको छ । दुर्घटनामा मृतक मुकेश चौधरीकी भाउजु सुष्मा चौधरी गम्भीर घाइते भएकी छिन् । घाइते चौधरीको जनकपुरमा उपचार सम्भव नभएपछि थप उपचारका लागि धरान पठाइएको प्रहरीले जनाएको छ

road accident