भदाै - ११ । नेपालगञ्जको एउटा पान पसलबाट ब्राउनसुगरको कारोबार हुने गरेको भेटिएको छ । ११ पुरिया लागुऔषध ब्राउनसुगर सहित नेपालगञ्जको बसपार्कबाट एक पान पसले पक्राउ परेका छन् । नेपालगञ्जको बसपार्कमा पानपसल सञ्चालन गर्दै आएका सुरेन्द्र जैसवाललाई अस्थायि प्रहरी पोष्ट बसपार्कबाट खटिएको प्रहरी सहायक निरिक्षक सुरेन्द्र पुन नेतृत्वको टोलीले ब्राउन सुगरसहित पक्राउ गरेको हो । क्राउ परेका जैसवालले पान पसलको आडमा नेपालगञ्जका युवालाई ब्राउनसुगर सप्लाई गर्दै आइरहेको सूचनाका आधारमा अनुसन्धान गर्ने क्रममा उनलाई रंगेहात पक्राउ गर्न सकिएको प्रहरीले जनाएको छ । जैसवालको साथबाट ४ हजार रुपैयाँ पनि बरामद गरिएको प्रहरीले जनाएको छ । पक्राउ परेका जैसवाललाई आवश्यक कारबाहीका लागि जिल्ला प्रहरी कार्यालय बाँकेमा राखिएको छ ।

brown sugar