भदौ – १२ । अमेरिकी अर्बपति डोनाल्डले आफ्नो चुनावी अभियानमा छन् । उनकी पत्नी ४६ वर्षीया मेलानिया ट्रम्प पनि यस कारणले अर्की प्रथम महिला बन्न सक्छिन् । उनीलाई सधै ‘लो प्रोफाइल’ मा राखेकाले उनी त्यति चर्चामा छैनन् । त्यसो त उनको आफ्नै परिचय नभएको पनि होइन । उनी एक करोडपति तथा राष्ट्रपति उम्मेद्वारकी पत्नी पनि हुन् ।
मेलानिया गत महिना जब रिपब्लिकन नेसनल कन्भेन्सनमा आफ्ना भाषण चोरेको आरोप लगाइन् त्यस बेला उनी एकाएक चर्चामा आइन् ।
फेरि पुरुषहरूका लागि प्रकाशित हुने एक फ्रान्सेली मासिक अखबारमा अर्की महिला मोडेलका साथ निर्वस्त्र पोजसहितको तस्बिर प्रकाशित भएपछि अर्बपति व्यापारी डोनाल्डकी पत्नी मेलानिया हाल फेरि चर्चामा छिन् ।
उनी अर्की ज्याकी केन्नेडी बन्न सक्ने लख काटिएको छ । स्लोभियन पूर्वमोडलसमेत रहिसकेकी उनले आफूलाई नजरअन्दाज गर्न नहुने बताएकी छन् ।
फेसन चेतनाका साथ ट्रम्फ सुन्दरी, स्मार्ट र आफैं सल्लाह दिनसक्ने खालकी छन् । केही पछाडि फर्किंदा मेलानियाले सन् २००० मा न्युयोर्क टाइम्सलाई ‘बेट्टी फोड या ज्याकी केन्नेडीजस्तै आफू प्रथम महिला भए धेरै परम्परागत बन्ने’ बताएकी थिइन् ।
तीन वर्षअघि उनी आफ्ना धनाढ्य पतिसँग भेट्नुअघि फ्रान्सेली अखबारमा अन्य मोडलका साथ नग्न तस्बिरमा देखिएकी थिइन् । उक्त ‘बमसेल’ तस्बिर न्युयोर्क पोस्टले प्राप्त गरेपछि सार्वजनिक भएको हो ।
एउटा तस्बिरमा स्कान्डिनाभियन मोडल इम्मा इरिक्सनका साथ ट्रम्प नग्न देखिएकी छन् । उनको यो कदमका कारण धेरैले उनलाई नग्न पोजबाट मात्रै उनी प्रथम महिला बन्न सक्ने भन्दै आलोचनासमेत गरेका छन् ।
डोनाल्ड पत्नी मेलानियाको विगतको चर्चा यतिमै सीमित छैन । सन् १९९९ मा व्यापारी बताउने होवार्ड स्टर्नसँगको डरलाग्दो टेलिफोन वार्ताका कारण पनि उनी खुबै चर्चामा आएकी थिइन् । आफ्ना पति रिफोर्म पार्टीको अध्यक्ष दौडमा रहेका बेला होवार्डसँग मेलानियाको डरलाग्दो र ‘सेक्सुएली’ टेलिफोन संवाद ‘द विक’ पत्रिकाले सार्वजनिक गरेको थियो ।
न्युयोर्क पोस्टका अनुसार अहिले पनि उनी मेलानिया र अर्बपति डोनाल्ड हालै राल्प लउरेन्सको पोलो बारमा ‘डेट नाइट’ मा आनन्द लिइरहेको भेटिए । मेलानिया स्लोभेनियन, अंग्रेजी, फ्रेन्च, सर्बियन र जर्मन गरी पाँच वटा भाषा बोल्न सक्छिन् ।
हाल उनी आफ्ना छोरा ब्यारोनलाई ‘मिनी–डोनाल्ड’ का रूपमा उपस्थित गराउने प्रयासमा छिन् । मेलानियाले आफ्ना धनाढ्य पतिको बसाइसराइ बारेको कठोर अडानको समर्थन गरेकी छन् ।
-एजेन्सीको सहयोगमा
Melania Trump
