जीवनलाई सुखमय बनाउनको लागि भगवानलाई नियमित रुपमा याद तथा प्रार्थना गर्न उनको पूजा गर्न जरुरी मान्ने गरिन्छ । हामी सोच्ने गर्छौ ग्रह दोषका कारण हाम्रो जीवनमा अनिष्ट पैदा हुन्छ । यदि ग्रहको शान्ति गर्यो भने हाम्रो जीवन सफल तथा शुभ हुन सक्छ । जीवनमा बनाएको नयाँ योजना तथा कार्यको सफलता प्राप्त हुनसक्छ ।

जीवनलाई सरल तथा सुखमय बनाउने उपाय

१.प्रत्येक शनिबार पीपलको वृक्षमा जल, काँचो दुध चढाएर सात पटक परिक्रमा गरेर सूर्य,शकर, पीपलको विधि पूर्वक पूजा गरेको खण्डमा राहुकेतु शनिपितृ दोष निवारण हुनसक्छ ।

२.शुभ बिहानीको समयमा उठ्ने बित्तिकै आफ्ना माता पिता, गुरु एबम् बृद्धजनलाई प्रणाम गरेर आशिर्वाद लिएमा दिन सफल हुनसक्छ । यसका साथै सुगन्धित अगरबत्ती बालेर दिनको सुरुवात गरेमा दिन सफल हुन्छ ।

३.दिनको एकपटक कुकुरकलाई रोटी खुवाएमा तथा पक्षीहरुलाई दाना खुवाएमा दिन शुभ रहन्छ ।

४. हरेक दिन गाईलाई पूजा तथा विभिन्न फलफूल तथा रोटी खुवाएमा जीवन शुभ हुन्छ ।

५.बिहानीको समयमा स्नान गरेर शिवलिङ्गमा जल चढाएर १०८ पटक ‘ॐ नम शिवाय’ मन्त्र जपेमा जीवनमा हुने हानिबाट बच्न सकिन्छ ।

६.स्नान पश्चात सूर्यनारायण भगवानलाई रातो पुष्प चढाएर हात जोडेर नमस्कार गर्नहोस् ।

७.सकेसम्म कोही न कोही गरिबलाई दान दिनुहोस् प्रत्येक प्राणीलाई दया भावको साथ तन, मन,धनका साथ यथायोग्य गर्नुहोस् ।

Pipal