एजेन्सी– पाकिस्तानको लाडी कोटल आर्मी क्षेत्रमा एउटा रुख गिरफ्तारीमा परेको छ । झट्ट सुन्दा अनौठो लागेपछि तस्बिरले नै रुख पक्राउमा परेको देखाउँछ ।

पाकिस्तानको एक समाचार एजेन्सीको अनुसार यो रुख ११८ वर्षदेखि गिरफ्तारमा परेको छ । उक्त रुखलाई सन् १८९८ देखि नियन्त्रणमा लिइएको छ । रुख गिरफ्तार हुनुमा एउटा रोचक कथा जोडिएको छ ।

एकजना ब्रिटिस अधिकृत रक्सीको नशामा घुमिरहेका थिए । त्यही समयमा उनलाई उक्त रुख आफुतिर आएको भ्रम भयो । त्यति ठूलो रुख आफुतिर आएको देखेर उनी डराए । तुरुन्त सैनिकहरुलाइै त्यो रुखलाई गिरफ्तार गर्न आदेश दिए । आदेशको पालना गरेर सैनिकहरुले रुखलाई गिरफ्तार गरे । जुन आजपर्यन्त मुक्त भएको छैन ।