असोज ७ । जलेश्वरबाट प्रहरीले २८ वटा खसी बरामद गरेको छ । दसैँका लागि व्यापारीले भारतबाट भन्सार छलेर नेपाल ल्याउँदै गरको खसी बरामद गरिएको हो । सदरमुकाम जलेश्वरका विभिन्न ठाउँबाट खसी बरामद गरिएको जिल्ला प्रहरी कार्यालय महोत्तरीले जनाएको छ । प्रहरीले बरामद खसीको मूल्य एक लाख २० हजार रुपैयाँ कायम गरी जिल्ला भन्सार कार्यालय जलेश्वरमा बुझाएको छ । नजिकिँदै गरेको दशैँका लागि व्यापारीले महोत्तरीका विभिन्न चोर बाटो हुँदै भारतबाट खसीबोका नेपाल ल्याउने क्रम बढेको प्रहरीले जनाएको छ ।

Jaleshwor Mahottarai Pakrau