असोज १३ गते । व्यवस्थापिका–संसद्को बिहीबारको बैठकले  व्यवस्थापिका–संसद् नियमावली, २०७३ को नियम २५९ बमोजिम उक्त नियमावलीको नियम ११४ को उपनियम (१), नियम ११९, १२० र १२७ को उपनियम (१), नियम १४२ र १५६ को उपनियम (१) निलम्बन गरेको छ । बैठकले बहुमतले निलम्बनको उक्त प्रस्ताव बहुमतले स्वीकृत गरेको हो । नेपाली काँग्रेसका प्रमुख सचेतक चीनकाजी श्रेष्ठ र राष्ट्रिय प्रजातन्त्र पार्टीका सचेतक परशुराम तामाङको समर्थनमा नेकपा (माओवादी) केन्द्रका सचेतक टेकबहादुर बस्नेतले निलम्बनको प्रस्ताव सदनसमक्ष प्रस्तुत गरेका थिए । प्रस्ताव प्रस्तुत गर्दै सांसद बस्नेतले आर्थिक वर्ष २०७३-७४ को बजेट लागू गर्न आवश्यक पर्ने अर्थसम्बन्धी प्रस्ताव कार्यान्वयनका लागि आर्थिक विधेयक २०७३, ऋण तथा जमानत (२१औँ संशोधन) विधेयक–२०७३ र राष्ट्र ऋण उठाउने विधेयक–२०७३, पारित गर्न नियम निलम्बनको प्रस्ताव गर्नुपरेको बताए । व्यवस्थापिका–संसद्को साउन ७ गतेको बैठकले ती विधेयक अस्वीकार गरेको थियो । सांसद राजेन्द्र पाण्डेले प्रस्तावको विरोध गर्दै नेकपा (एमाले)ले त्यसको विपक्षमा मतदान गर्ने बताए । व्यवस्थापिका–संसद्को बैठक आधा घन्टाका लागि स्थगन भएको थियाे । रासस  

BICC Niyamaoli