मलेसियाको पेनागंस्थित जुरु टोल प्लाजा नजिकै आज भएको बस दुर्घटनामा आठ जनाको मृत्यु भएको छ भने ३३ जना घाइते भएका छन् ।

कारखानामा कार्यरत कामदार बोकेको दुईवटा बस एकआपसमा ठोक्किँदा ईन्डोनेसियाली सात र एक जना मलेशियन नागरिक रहेका छन् । मृत्यु हुने आठैजना महिला कामदार रहेको बताइएको छ । घाइतेमध्ये तीन जना नेपाली महिला रहेको बताइएको छ ।

प्रहरीले एउटा बसको ब्रेक फेल भएर दुर्घटना भएको जनाएको छ । प्रहरीले घाइते ३३ जना मध्ये २३ जनाको अवस्था गम्भीर रहेको र बाँकी १० जना सामान्य घाइते भएको जनाएको छ ।