काठमाडौं । पूर्वराजा ज्ञानेन्द्र शाहको पछिल्लो अभिव्यक्तिको समर्थन र स्वागतमा शिव सेना नेपालले दीपावली गरेको छ । शिव सेना नेपालले नेपालका विभिन्न जिल्लामा दीपावली गरेर पूर्वराजाको अभिव्यक्तिप्रति समर्थन जनाएको हो ।

शिव सेना नेपालका अध्यक्ष अनिल बस्नेतका अनुसार राजधानी काठमाडौं लगायत मुलुकभरका विभिन्न जिल्लामा पूर्वराजाको समर्थनमा दीपावली, प्रदर्शन गरिएको छ । अधिकांश स्थानमा जनताले ‘राजा आऊ, देश बचाऊ’, ‘राजा ल्याउँ, देश बचाउँ’ ‘हिन्दू अधिराज्य नेपाल जिन्दावाद’ जस्ता नारा लगाएका थिए ।
शिव सेना नेपाल हिन्दू राष्ट्र र राजसंस्थाको पक्षधर राजनीतिक दल हो । हालको संविधान नै अस्वीकार गरिरहेको शिव सेना नेपालले स्थानीय तहको निर्वाचन बहिष्कार गरेको थियो भने प्रदेश र प्रतिनिधिसभाको निर्वाचन पनि अस्वीकार गर्ने सो पार्टीले जानकारी दिएको छ ।

पूर्वराजा ज्ञानेन्द्र शाहको पछिल्लो अभिव्यक्ति