अखण्ड स्पेनको पक्षमा देशभर प्रदर्शन, साँढे तीन लाख मानिस सडकमा
काठमाडौं । मुलुक विभाजन नै गर्ने तहमा क्याटालन नेताहरु पुगेपछि त्यसको विरोध र अखण्ड स्पेनको पक्षमा देशभर प्रदर्शनहरु गरिएका छन् ।
अलगवादीहरुले राजधानी बनाउन घोषणा गरेको केन्द्र बार्सिलोनामै उपस्थित भएर लाखौं नागरिकले विभाजनको विरोध गर्दै एकताका पक्षमा एक स्वरले नारा घन्काएका छन् ।
तीन लाख ५० हजारभन्दा बढी मानिस सडकमा ओर्लिएर असन्तुष्टीका विषयलाई वार्ता र संवादको माध्यमबाट सुल्झाउन आग्रह गर्दै मुलुक विभाजनको बाटोमा नलाग्न सचेत गराएका हुन् ।
स्पेन र क्याटालन दुबै झण्डा हातमा बोकेकाहरुले एकता नै बल हो भन्ने नारा घन्काए । विभाजनकारीले प्रदर्शन गरेभन्दा निकै ठूलो संख्यामा मानिसहरु एकताका लागि आह्वान गर्न सडकमा ओर्लिएको बताइएको छ ।
प्रहरीले साँढे तीन लाख मानिस सडकमा ओर्लिएको बताए पनि आयोजकहरुले भने यो संख्या साँढे नौ लाख भएको दावी गरेका छन् । -यालीलाई पूर्व मन्त्रीहरु, नोबेल पुरस्करा बिजेतालगायत दिग्गज ब्यक्तित्वहरुले संबोधन गर्दै मुलुक विभाजन गर्ने बाटोमा नलाग्न क्याटालन नेताहरुलाई अपील गरे ।
