काठमाडौं । एकमात्र पुत्र प्रकाशको निधनपछि आफ्ना सबै चुनावी कार्यक्रम केपी ओलीको जिम्मा लगाएर पुष्पकमल दाहाल प्रचण्ड काठमाडौं फर्किएका छन् । प्रचण्ड हेलिकोप्टर चढ्ने बेलामा उनलाई बिदा गर्न झापामा केपी ओली पुगेका थिए । प्रचण्डको साथमा उनकी कान्छी छोरी, ज्वाईलगायत परिवारका पाँच सदस्य पनि काठमाडौं फर्किएका छन् ।

चितवनबाट प्रकाशकी दिदी रेणु दाहाल पनि काठमाडौं आउँदै छिन् । शनिबार चितवनमा रहेका प्रकाशत सञ्चो छैन भन्दै काठमाडौं आएका थिए । उनको बिहान पाँच बजेर ३८ मिनेटमा नै निधन भइसकेको बताइन्छ । उपचारका लागि भनेर उनलाई नर्भिक अस्पताल पुर्याइएको थियो । अस्पतालले आज केही समयपछि पत्रकार सम्मेलन गर्ने जनाएको छ । पकाशको निधनबारे अस्पतालले पुष्टि गरिसकेको छैन ।

नर्भिक अस्पताल वरपर सञ्चारकर्मी र सर्वसाधारणको भीड लागेको छ ।

प्रकाशका दुई पत्नी र दुई पुत्र छन् । प्रकाशकी एक दिदीको केही अघि नै निधन भइसकेको छ । प्रचण्ड परिवारमा परेको यो दोस्रो बज्रपात हो ।