एजेन्सी। मोरक्कोमा राहतमा आएको खाद्यान्न सामग्री वितरण भइरहेको ठाउँमा भागदौड मच्चिदा कम्तिमा १५ जनाको मृत्यु भएको छ ।

घटनामा ४० जना भन्दा धेरै घाइते भएका स्थानीय सञ्चारमाध्यमलाई उद्धृत गर्दै बीबीसीले जनाएको छ । एसुएरा प्रान्तको सिदी बोउलालम शहरमा घटना भएको हो । स्थानीय निजी सहयोगी संस्थाले राहत सामग्री बाँडिरहेका बेला भागदौड मच्चिएको हो ।

मृत्यु हुने तथा घाइते हुनेमा धेरैजसो बृद्धबृद्धा रहेको बिबिसीले उल्लेख गरेको छ । अहिलेसम्म भागदौड मच्चिनुको कारण भने खुलेको छैन ।