काठमाडाैं । उपराष्ट्रपति नन्दकिशोर पुन ‘पासाङ’ का छाेरा दिपेश पुन गाडी दुर्घटनामा परि घाइते भएका छन् ।

रोल्पाको लिवाङबाट काठमाडौँ आउने क्रममा रोल्पाको सातदोबाटोमा उनको गाडी दुर्घटनामा परेको दिपेशकी भाउजु जुना घर्तीमगरले बताइन् । उनको टाउकोमा चोट लागेको बताइएको छ । उनीसँगै पत्रकार मनोज पुन पनि सामान्य घाइते रहेका छन् । उनी उपराष्ट्रपतिका प्रेस सहयोगी थिए ।

घाइतेहरुलाई भालुवाङसम्म गाडीमा र त्यहाँबाट हेलिकप्टरबाट काठमाडौँ ल्याइएको छ ।