धनगढी । कैलाली निर्वाचन क्षेत्र–५ को प्रदेशसभा (क)मा नेकपा (एमाले) र प्रदेशसभा (ख)मा नेपाली काँग्रेस विजयी भएको छ । 

मुख्य निर्वाचन अधिकृतको कार्यालयले आज अपराह्न सार्वजनिक गरेको अन्तिम मत परिणामअनुसार (क) मा विजयी नेकपा (एमाले)का नेपालु चौधरीले १७ हजार ३६७ मत पाए । उनका निकटतम नेकाका जीवन रानाले ११ हजार ७३ मत प्राप्त गरे । 

यस्तै प्रदेश (ख)मा विजयी नेपाली काँग्रेसका डिल्लीराज पन्तले ११ हजार २५३ मत पाउँदा उनका निकटतम माओवादी केन्द्रका रमेश धामीले नौ हजार ४८४ मत पाएका छन् । 

कैलालीको निर्वाचन क्षेत्र १, २, ३ र ४ को मतगणना भने जारी रहेको छ ।