भारतको दिल्लीमा एक महिला अधिकारकर्मीलाई अवैधानिक मादक पदार्थ बिक्री–वितरण विरुद्घ आवाज उठाउने क्रममा स्थानीय व्यक्तिहरूले उनलाई नाङ्गो पारेर शहरको परिक्रमा गराएका छन् ।

उक्त घटना गत हप्ताको हो । ती महिला र उनका कार्यलयका साथीहरू अवैधानिक पसलहरूको खोजिमा रातिको गस्तिमा निस्केका थिए ।

दिल्ली महिला आयोगले ती महिलामाथिको आक्रमणको घटनाको कडा आलोचना गरेको छ । प्रहरीले बताए अनुसार ती महिलामाथि हिंसा भएको तर नाङ्गो पारेर उनलाई परिक्रमा गराइएको थिएन ।

सामाजिक संजालमा अहिले भाइरल भइरहेको एक भिडियोमा ती महिलाले आफूलाई अवैधानिक मादक पदार्थ बेच्ने पसलहरू विरुद्घ आवाज उठाएको भन्दै स्थानीय बिक्रेताहरूले घिसारेको र नङ्गाएको बताइन् ।

 

आयोगले ती महिलाको जीउमा फलामका रडहरूका डाम रहेको बताए । सामाजिक सञ्जालमा आलोचना बढ्दै गएपछि प्रहरीले यस सम्बन्धी अनुसन्धान भइरहेको ट्वीट गरे । उनीहरूले यस घटनालाई “महिलाहरूबीच भएको झगडा” भनेका छन् । महिला प्यानल संस्थाकी अध्यक्ष स्वाती मालिवालले प्रहरीले त्यो घटनालाई महिलाको झगडा भन्नु लाजमर्दो रहेको भनेर ट्वीट गरिन् ।

प्रहरीले हिन्दुस्तान टाईम्स पत्रिकालाईजनाए अनुसार ती महिलाको “कपडा अलिकति च्यातिएको” थियो र आक्रमणकारीहरूमा पुरुष थिएनन् ।

दिल्लीका मुख्यमन्त्री अर्विन्द केजिरिवालले भने, “राजधानीभित्र यस्तो हुनु अचम्मलाग्दो र लज्जास्जपद कुरा हो ।”

हरेक वर्ष धेरै भारतीय नागरिकहरू अवैधानिक मादक पदार्थ सेवनका कारण मर्ने गर्छन् ।
साभारः– बिबिसी