बागलुङ। बागलुङको ताराखोला स्थित जंगलमा तीन दिनदेखि लागेको डढेलो नियन्त्रणमा नआएपछि आगो निभाउन नेपाली सेनाको टोली घटनास्थल पुगेको छ ।

सहायक प्रमुख जिल्ला अधिकारी नारायण पाण्डेले डढेलो नियन्त्रणका लागि नेपाली सेनाको टोली शुक्रबार बेलुकै डढेलो लागेको ठाउँतर्फ गएको जानकारी दिनु भयो ।

स्थानीय वासिन्दा र प्रहरीले आगो नियन्त्रणमा लिन नसकेपछि नेपाली सेनाको टोली पनि परिचालन भएको हो । बिहीबार दिउँसो ताराखोलाको वडा नम्बर–५ लाबाङ खरबारीबाट लागेकोे डढेलो जंगलमा फैलिएर प्राकृतिक सम्पदा नष्ट गरिरहेको छ ।