रुपन्देही । बुटवल उपमहानगरपालिका–१२ नयाँगाउँ चोकस्थित महेन्द्र राजमार्गमा भएकाे दुर्घटनामा परि एककाे मृत्यु भएकाे छ । लु.२७ प ९९८३ र लु.३ प ९६२० नम्बरको मोटरसाइकल आइतबार एकआपसमा ठक्कर खाई दुर्घटना हुँदा लु.२७ प ९९८३ नम्बरको मोटरसाइकल पछाडि सवार सैनामैना नगरपालिका–४ सालझण्डी बस्ने २० वर्षीय बिक्रम काउछा गम्भीर घाइते भएकाले लुम्बिनी अञ्चल अस्पताल बुटवलमा उपचारको क्रममा आइतबार मृत्यु भएको हाे ।

त्यस्तै कञ्चनपुर जिल्लाकाे पुनर्बास नगरपालिका–११ भिमबस्ती स्थित भे.१ स ३१३६ नम्बरको अटो रिक्साले सोही ठाउँ बस्ने साईकल यात्री भिमसिंह ठकुरीलाई आइतबार ठक्कर दिंदा उनकाे मृत्यु भएकाे छ । गम्भीर घाइते भएका ठकुरीलार्इ सेती अंचल अस्पताल धनगढीमा उपचारको क्रममा मृत्यु भएको हाे ।

चालक र अटो रिक्सालाई प्रहरीले नियन्त्रणमा लिएको छ । घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।