रसुवा । चीन र नेपालबीच साँघुरो सडक र पार्किङको समस्या समाधान गर्न रसुवागढी नाकाबाट पर्याप्त सवारी साधन आवतजावत गरिने सहमति भएको छ । 

चीनको केरुङ र नेपालका सीमा सुरक्षा अधिकारीबीच आज धुञ्चेमा सम्पन्न छलफलबाट नेपाली मालवाहक सवारी साधन पर्याप्त केरुङ पठाउने सहमति भएअनुसार निर्णय कार्यान्वयन हुने लागेको हो । अहिले साँझसम्म ७५ कन्टेर केरुङतर्फ प्रस्थान गरेको प्रजिअ चोमेन्द्र न्यौपानले जानकारी दिए । 

छलफलमा सवारी साधनलाई केरुङ जान एकदिने अनुमतिपत्रको व्यवस्था गर्ने तथा गैरकानुनी देखिएका वस्तु आयातनिर्यातमा चिनियाँ सुरक्षा जाँचसमेत कडा गरी सूचना आदानप्रदान गर्ने चिनियाँ पक्षले प्रतिबद्धता जनाएको छ । 

Rasuwagadhi