सिके राउत विदेशी एजेन्ट हो, दण्ड दिनु पर्छ, अरु कुरा थाहा छैन–लालबाबु पण्डित (भिडियो अन्तर्वार्ता)
फागुन १६ । नेकपा एमालेका नेता लालबाबु पण्डितले मधेसी मोर्चाले राखेको माग मधेसी जनताको माग नभएको बताएका छन् । मोर्चाले आफ्नो माग पूरा नभएसम्म निर्वाचन हुन दिँदैनौं भन्ने अडानले मुलुकलाई पछाडि पार्ने नेता पण्डितको दाबी छ ।
जनताले निर्वाचन व्यग्रताका साथ पर्खिरहेको उल्लेख गर्दै पण्डितले निर्वाचनको विरोध गर्नुको अर्थ नरहेको उनले बताए । मधेसका जनताको माग भनेर मोर्चाले आफ्नो दलको माग अगाडि तेस्र्याएको पण्डितको बताएका छन् ।
तराईमा सिके राउतप्रवृत्तिलाई कारबाही गरेर तह लगाउनु पर्ने धारणा राखेका छन् । उनले भने, ‘देशको अहितमा, मधेसको अहितमा र सबैको अहितमा भएको विषय कसैले उठाउँछ भने त्यसलाई एक पटक सम्झाई बुझाइ गर्नुपर्छ । मानेन भने कारबाही गरेर तह लगाउनु पर्छ ।’
राष्ट्रघाती विचारको पक्षमा बोक्नेहरु विदेशी भरियामात्रै भएकोले उनीहरुलाई दण्डीत गर्नुपर्ने नेता पण्डितले उल्लेख गरे ।
